كتير كنت بفكر في طريقة مختلفة للكتابة ...كتابة من النوع الي تخليك تحبها ما توهكش ما تشتتكش ما تخلكش عايز تشد في شعرك من كتر التوهان ...بصراحة مش هدعي الثقافة لاني افتقدها ...
بس هقول يمكن ساعات كان فيه كتب ما قدرتش اكملها لاني خفت في لحظة من اللحظات انها تبوزلي دماغي ...وفيه كتب خلتني افكر في حتت مش عارفة كانت صح ولا لا
وكتب خلتني اغير قناعاتي في الحياة...المهم حسيت ان القراية والكتابة لازم يكون ليها طريقة تحميني من اني اتجن او اجن غيري
والثورة لما قامت ...حسيت ان حتى الادب والكتابة محتاجة نعملهم ثورة فكرية هما كمان
والنص هو احسن شيء عشان كده حبيت اكتب بطريقة "النص" يعني "الوسطية" الي تخليني ماشية باعتدال بدون ما اتعصب لنفسي اوغيري
"لو حد عنده دوا مضاد للعصبية ياريت يقولي محتاجاة اكتر منكو"
جو رمضان كان فرصة حلوة استغلها عشان آخد الهام منه
وعشان كده قررت اكتب زي تأملات بسيطة من وحي القرآن بطريقة أدبية
واستعنت في ده بكتاب في ظلال القرآن لسيد قطب عليه رحمة الله الي لسة بقراه لأول مرة وعرفت ان عليه جدل كتير
بس نويت آخد أحسن ما في تفسيره ليلهمني في الكتابة بعيدا عن الحاجات الي فيها جدل
واديني بجرب ...يمكن يبقى حلو ..ويمكن لا فيبقى ع الأقل حاولت
محاولة تأملية يارب تكون ليها أثر
أحب بس أشكر البشمهندس .أحمد فتحي الجميل صاحب الاقتراح بقراءة تفسير في ظلال القرآن
تحياتي واليكم
سلسلة
"رمضانيات".....
نشرت بتاريخ
20 July 2012
ليست هناك تعليقات:
إرسال تعليق