حاجة ساقعة ببث ....حاجة ساقعة ببث ....ببثثثثثثثثثثثث
........مانتا شايط وكل حاجة حواليك بتولع هيه جت عليك يعني ما تولع انت كمان ....حاجة ساقعة ببث
تمشي كده في الشارع لواحدك تتمخطر ....تتنح في يوفط المحلات ....واذا بيافطة تاسر فؤادك .....تنظر اليها مطولا ....اليافطة تشع بريقا....نور ياخواتي رباني ...وانت لسة متنح .....ورقبتك تتلوح لفوق ...وعشان انت قررت انك ما تستسلمش لاي شيء ولعة من الحواليك ...وانك توصل لهدفك ولو كان يافطة ....قوم ايه تفضل تلوي في رقبتك زو زو زو ....ها بتلف ....لفت اهيه مع كل لفة رقبتك بتطول ...جسمك اصله ثابت وفرعه في السماء .....ورقبتك بتطول ....والناس ماشية حواليك عادي ....حاجة ساقعة ببث ....رقبتك بقت اطول من باقي الناس ....حودة بتاع القهوة ...شاف منظر الاستطالة ده ....صوت ....الحقوا يا جدعان ...وحش كاسر يريد ان يبطش بيافطة حتتكوا .....وتمضي لحظة هرج ومرج ....وتتسارع خطوات الجموع ......حاجة ساقعة ببث ....والرقبة تزداد استطالة ........حاجة ساقعة ببث ...واليافطة تزداد بريقا ...والناس تحيط بك جاعلة منك مركز كونها ....وانت في صمت مدقع يثير حنق الآخرين .....وتستمر في صعودك ....حاجة ساقعة ببث..
توصل لليافطة ...تقرا الكلام من فوق تلاقيه اوضح بكتير ...بخط رقعة ...اترسمت الف عنيييدة ....واختها قاف ...ماتتوصاش بركة ...وراء كده سايبة نفسها تتمرجح ...تيجي الف تانية تحضن الراء ماهو الالفين حضن كبير ....لكلمة كبيرة ...
اليافطة تنور ...وانت تتامل وتسرح بعيد ...حاجة ساقعة ببث ....
هييييييييييييه ....انزل .....انزل ....انزل .....عايزينك .....انزل ....
ايدين كتير ممدودالك تحت.....ويشدوا فيك ورقبتك متشعلقة فوق ...حاجة ساقعة ببث ....
وي وا وي وا وي وا اااااااااااا
اسعاف ....
وي واي وا وي وا ...
ولعة تحت .....انزل ...مش هنسيبك ....ارجع مش هنسيبك ....بدأوا يتسلقوا أصلك
...رجلك تحت بتتزغزغ ....
وبدأت تتهز ...تتهز أقوى ...اوبا هتقع ...تبص لليافطة كده ...تفكر تاني ...هي الناس الي تحت دي مالها زعلانة ليه ....عايزني ليه ....وبيزغزغوني ليه ...
بيهزوني ليه ....وهما مش شايفين الي انا شايفه ...اليافطة دي مهمة قوي ...طب ايه افضل فوق واسيبهم يهاتوا واكبر ...,الا انزل ...بس هسيب اليافطة الحلوة دي فوق ...ايه العمل بس ياربي
....انا برضة مش هستحمل افضل لواحدي كده كتير ممكن نسر اصلع يجي ينقر في ال3 شعرات الي حيلتي ...وابقى اقرع زيوا
ممكن يعورني وساعتها اليافطة مش هتنفعني ....لا الحل انزل ...
نظرة حنان لليافطة ....ودمعة فراق حزينة ....واليافطة تبادلني المشاعر وفي لحظة من اقوى لحظات الهياج العاطفي ...اتشبث باليافطة واحتضنها ...اجدني لا استطيع نزولا الا بها ....ايه ده انا بقيت قوي ده انا هخودها معايا وانزلهاهم تحت يمكن لما يشوفوها يعرفوا .....
زو زو زو زو ...
الرقبة تتلف تاني واحدة واحدة ...براحة ع اليافطة ....زو ...زو
كلو تحت سكت وكله بيتفرج عليا وانا نازل ...الي كان هيتسلقني نزل ....وانا نازل واحدة واحدة....
ووصلت لاصلي ...في حالة من ذهول الجميع ....
وقفت بضحك بصوت عالي شاورت عليها ....وقلت ....حاجة ساقعة ببث....
نشرت بتاريخ
19 May 2011
ليست هناك تعليقات:
إرسال تعليق